Jújú...

Einhver verður jú að hella uppá kaffi og skera vínarbrauð meðan stóru strákarnir ræða málin. Áfram Ísland!!

Ísland á erindi í öryggisráðið

Stóra Fíkniefnamálið....

Jamm. Nýtt STÓRT fíkniefnamál. Jafnast þó ekki á við ofur-böstið sem "Her Hins Íslenska Lýðveldis Og Björns Bjarnasonar" gerði á Bifröst í gær. Þeir náðu alveg hálfu (0.5) grammi þar, án nokkurs mannfalls í liði Björns. En grínlaust, þá hljóta að verða opinberar aftökur á næstu vikum, svona harðsvíruðu liði verður varla sleppt aftur útá göturnar. Því trúi ég nú ekki. Seisei, þó svo nauðgarar og soleiðis lið fái að labba um megum við ekki láta sona fíkniefnabaróna ganga lausa. Ó nei.

Eiturlyf í Borgarfirði

Vá!!

Sorglegt. En við eigum trúlega eftir að sjá fleiri svona fréttir. Ég spái því að næst heyrum við af Kaupþing eða Glitni. Veðja samt á Kaupþing.

Fjöldauppsagnir hjá deCode

Og svo framvegis...

Svo verða sett lög til að leyfa hlerun hjá einhverjum öðrum og svo einhverjum öðrum. Endar sjálfsagt á að byrjað verður að hlera hjá pólutískum andstæðingum, öllum sem kaupa Big Mac en engar franskar og svo hjá öllum sem lesa í rúminu. Svona verður einstaklingsfrelsið niðurgreitt smátt og smátt þar til mynduð hafa verið hrein lögregluríki í anda Hitlers. Sama stefna virðist því miður ráða hér með ofur-hægristefnu núverandi dómsmálaráðherra.

Bush hvetur til lagaundanþágu á símahlerun

Of stutt...

Alltof stuttir dómar. Svona hyski á að loka inn svo fyrir því finnist!! Þessir gæjar verða allir komnir á götuna aftur og teknir til við fyrri iðju eftir svona 2 ár í mesta lagi....

Ungir menn fá þunga dóma

Puttana úr rassgatinu, strax!!

Æ, kallinum er vorkun að hafa áhyggjur af þessu. Vona bara að hann missi ekki svefn yfir þessu. Við sem búum útá Reykjanesi þurfum hinsvegar að keyra þetta daglega. Það er áhyggjuefni Kristján, raunverulegt áhyggjuefni. En engar áhyggjur, þetta er jú ekki í þínu kjördæmi eða hvað??

Kristján: Ástandið á Reykjanesbraut áhyggjuefni

Lítilmannlegt af Reykjavíkurborg...

Ekki skal ég verða til að fella dóm um hvort meistari Kjarval hafi ánafað borginni öllu því sem hér um ræðir. Hitt finnst mér verra að sjá hversu lágt borgin legst til að tryggja eignarrétt sinn á því. Það væri stórmennskuverk af núverandi borgarstjóra (vonandi sá sami og var í morgun??) að bjóða ættingjum hans sættir og einhverjar bætur. Hér er nefninlega ekki um að ræða neinar vaxlitaklessur eftir krakka heldur verk eins besta og dáðasta myndlistarmann þjóðarinnar. Það má kallast helvíti hart að ættingjar hans þurfi að standa í svona málaferlum yfirhöfuð.

Dánarbú Kjarvals á ekki myndir Reykjavíkurborgar

Venjulegt fólk...

er nú bara rekið fyrir að óhlýðnast fyrirmælum yfirmanna sinna. En auðvitað má ekki blaka við löggumann, ekki nú frekar en endranær.

Sýslumaður áminnir yfirlögregluþjón

Leikið við dauðann...

Það er bara tímaspursmál hvenær dauðaslys verður af þessum þrengingum og framhjáhlaupum á brautinni. Ég fer þarna um daglega og stundum oft á dag og það er alveg hreint svakalegt að sjá hvernig frágangurinn á þessu er og hvernig fólk keyrir þarna um.

Möppudýrin hjá Vegagerðinni leika sér þar a með dauðann og vona bara að enginn drepist þarna vegna getuleysis þeirra. Sú yfirlýsing þeirrar steingeldu stofnunar um að þetta verði sennilega svona til jóla er til marks um vandræðagang og getuleysi til að bregðast við þegar verktakinn sem átti að sjá um framkvæmdina fór snögglega á hausinn. Fyrir 30 árum hefði þetta etv talist ok en að þetta skuli þurfa að vera svona árið 2008 er náttúrulega mikið meira en hneyksli. Nóg er af vinnuvélum, vinnuafli og fjármagni til að klára þetta. Allt tal um annað er píp gagnslausra möppudýra sem ekki þurfa að keyra þarna um við allar mögulegar aðstæður. Þegar svona staða kemur upp á einfaldlega að klára dæmið og spurja um reikninginn síðar.

Vonlaust getuleysi vonlausrar stofnunar. Reykjanesbúar, sameinumst um að knýja fram að framkvæmdin verði kláruð. Lokum Reykjanesbrautinni og neyðum Vegagerðina til framkvæmda!!

Harður árekstur á Reykjanesbraut

Á guðs vegum....

Sjálfur er ég trúlaus og stoltur af því, enda ekki furða þegar maður sér allt sem hefur verið gert og er gert í nafni Guðs og Jesú Guðssonar. Hérna er talað um Uppreisnarmenn Drottins sem er glæpaklíka sem fremur hroðaleg illvirki í nafni guðs og trúarinnar. Svona hefur þetta verið um aldir og aldir og á eftir að vera um aldir og aldir. Svo er verið að setja útá múslimana??

Hvernig á maður að bera virðingu fyrir trúarbrögðum sem hafa komið fram eins og kristna trúin hefur gert í gegum aldirnar? Morð, hræsni, glæpir, hræsni, þjóðernishreinsanir, hræsni, kúgun, hræsni. Þetta er það sem kemur fyrst uppí huga minn þegar einhver nefnir kristna trú. Ég get vel borði virðingu fyrir hófsömum trúarskoðunum fólks en ég get hins vegar ekki borið virðingu fyrir kristinni trú eða öllu heldur því sem hún stendur fyrir í heild sinni....

Uppreisnarmenn slitu friðarviðræðum